KLASEAK

Klase kolektiboak

Yogari esker zure ongi-izatea zain ezazu. Tentsioak murrizu, malgutasuna landu, baita zure gorputza azkartu edota zure arnasketa landu… yogaren onurak anitzak dira. Zato Izturitzeko Artetxean egiten ditugun euskarazko klase kolektiboetara. Klaseak deneri idekiak dira, izan hasiberrientzat ala yogazale amorratuentzat, egokitzapenak badira denentzat.

Ene yoga ibilbidea ezagutzeko

Eta ez bada zuentzat, zergatik ez lagun artean saio batzuk ama berri bati eskaini ?

Oharra: sortzearen ondotik, gutienik 6 aste itxoin behar dira yoga berriz hasi baino lehen (emagin baten baieztapenaren arabera).

Sortze aitzin eta ondoko klaseak

Haurdunaldi denboran, Ama sakratua bilatzen da, bere gorputza, bere formak goraipatuak dira, eta zaindua da. Anitz. Asteak hitzorduz hitzordu pasatzen dira, gehienetan hitzordu medikalak dira. Emaztearen pisua, odola kontrolatzen da baina gutik bere osasun mentalaren berri eskatzen diote.

Eta sortzearen ondotik, bat batean, sabela hustu zaigu, eta sortu berri bat besotan gure burua, bikotea, familia, ber definitzen entseatzen gira. Eskema klasiko batean bagira, emaginaren bi bisiten ondotik, bakarrik gelditzen gira. Mundu ezezagun hortan, non ama ez den gehiago existitzen, eta aldi berean non dena bere gain den.

Yoga segipen horiek, haurdunaldi denboran bai eta sortze ondokotik, Ama berriari sostengu bai emozionala bai fisikoa ekartzen ahal dio. Haatik ez dute inondik ere ez segipen medikal bat ordezkatzen eta ez dute ere ez haurdunaldi denboran ala sortzean gerta daitezkeen arazoetaz babesten.

Saioak bakarkakoak dira, ama berriaren etxean, bere erritmoan egiten dira, Hazparnetik 25 kmtan.

Kontakta nazazu

Yoga haurrentzat

Jokoen eta istorioen bidez, gorputz sentsazioak landu, gorputza hobeki ezagutu, elkar lagundu, oreka landu eta konfiantsa hartu… Hona besteak beste zer lantzen den Yoga haurtzaindegietan edo haurrentzako jarduera berezietan egiten delarik. Zinezko lasaitasun burbuila eguna taldean pasatzen duen haurrarentzat.

Jarduera hori euskaraz egitean, euskaraz bizitzeaz gain, haurrari euskal kulturari buruzko oinarrizko elementuak ezagutarazten dizkio.

45 minutuko saioak dira, 18 hilabetetik goitiko haurrentzat.

Kontakta nazazu informazio gehiagorentzat.

Harremanetan sartu

Informazio gehiago behar baduzu, nirekin harremanetan sar zaitez eta zure helburuak lortzen lagunduko zaitut. Aitzinetik milesker!